還以為我的xanga已被deactivate! 將近一年沒有開過xanga, 滿以為所有人都已轉投facebook的懷抱, 但今次偶然經過發覺仍然有很不少人會打xanga.雖然人數已大不如前, 但總算知道一些舊朋友的近況. 說起facebook, 不知道為什麼我一開始就對它有抗拒, 我比較喜歡像似xanga日記式的網誌, 感覺像實在些, 內容充實些, 所以當我連xanga都沒耐性寫時, 我更加沒有興趣開一個facebook帳戶.                                                  

            入大學將近第三年, 這二年好像發生了很多事, 我自己下意識地告訴自己我改變了很多, 但改變了什麼? 我不知道. 大學讀書, 上莊, 住hall, 玩teams, 做part time, 總叫體驗過, 經歷過, 但除了回憶和經歷外, 我好像沒有實實在在得到了什麼,學到什麼. 一個傳統大學生應該多關心時事, 多做些個人發展的事, 積極進修以裝備自己為未來鋪路.  我覺得自己正在虛度一生人其中在精彩的時光, 因為我成長得太少, 學到的太少.  三年一夢, 是否真的當發了一場夢就算? 如果真的只當是夢的話, 這夢也都算是好夢吧.

            身邊有好多無論在學業和個人發展都很出色的人, 他們有目標,有能力, 有領導材能. 有時想, 自己不是該類人但這社會卻需要這類人, 我應該抱著怎樣的心態去走我這一生. 我很討厭上教授面試的課, 我很討厭要經常研究時事評論, 我很討厭為了豐富CV而去參加各式各樣的活動. 我只喜歡彈結他, 不喜歡做CEO. 社會就是需要像CEO的人材, 但我卻並不是.                                     我不是不聰明. 但於社會上來看, 我確實是一個笨蛋.

             今個月24th我會去英國找鄭嘉敏, 順道遊走數個歐洲國家. 要在考試期間準備一切, 十分煩擾. 7月回港即到醫院實習一個月, 很想在這暑假跟舊朋友出來聚聚, 真的很想知道你們的近況!!  

每個人都有唔同既諗法, 認定自己既目標,覺得o岩既就去做, 縱使身邊既人,什至最親既人都唔認同你, 什至睇少你, 但係只要我堅持做到我心中所想做既, 無論結果係點我都無悔.

人與人之間溝通, 理性說話其實只佔冰山一角..

身在HKU, 身邊有好多好叻既人, 個個都好積極咁做好多有意思既事去為自己既未來鋪路, 令我不時反思自己夠竟有冇適當咁利用自己既時間做一d真正最值得做既野.作為一個大學生, 唔可以再好似以前中學咁,日日就係滿足上課要求之後就玩,hae, 等日子過, 我地既讀大學既時間係真係好寶貴, 因為有好多野只係淨低呢段時間先可以做,係讀大學先有機會去試, 我地都好應該利用呢d時間去裝備自己, 學多d, 睇多d, 再唔可以話乜都唔知, 好多野唔係會自動飛埋黎話你知你要點點點, 你既目標係要點點點, 呢d野全部都係靠自己積極咁去搵番黎, 而且好多野真係你要自己試過先可以去明白. 

我今年參加既課外活動, 比我以前咁多年黎加埋重要多, 真係睇到同學到好多好多野, 而且識左真係好多好多無論讀書或者個人方面都好出色既人. 呢度真係一個好好培育人才既地方